Turmush — 26-марттан тарта Кыргыз Республикасынын министрлер кабинети тарабынан бекитилген жана өлкөнүн бардык уюлдук операторлору үчүн милдеттүү болгон «Көчмө радиотелефон байланыш кызматын көрсөтүү эрежелери» күчүнө кирди.
1-апрелден тартып сатылып алынган SIM-карталар абонент номурду каттамайынча толук түрдө иштей албайт. Муну аралыктан — мобилдик тиркеме аркылуу жасоого болот. Beeline Кыргызстан каттоо жол-жобосу тууралуу кененирээк маалымат берди.
Жаңы эрежелерге ылайык, каалаган уюлдук оператордун SIM-картасын сатып алгандан кийин номурду өз алдынча каттоо үчүн зарыл болгон кызматтардын чектелген топтому менен гана пайдаланууга болот. Абонент өзүнө номурду каттаткандан кийин гана байланыш кызматтарын толук пайдалана алат.
Мисал келтирели: сиз жаңы Beeline SIM-картасын сатып алдыңыз. Аны активдештиргенден кийин, сиз «Мой Beeline» мобилдик тиркемесинде катталууга шилтемеси бар SMS аласыз. Сиз колдонмону бекер жүктөп алып жана бекер колдоно аласыз. Сиз ошондой эле мобилдик операторуңуздун колдоо кызматына чалууларга мүмкүнчүлүк аласыз.
Номурду онлайн каттоо үчүн паспортуңуз жаныңызда болуп, жөнөкөй көрсөтмөлөрдү аткарыңыз:
1. «Мой Beeline» бөлүмүнө өтүңүз;
2. Тиркеменин негизги бетиндеги «Каттоо» блогун басыңыз же «Дагы» бөлүмүндө «Каттоо» кошумча барагын ачыңыз;
3. Паспорттун алдыңкы тарабын, анан кийин арткы тарабын сүрөткө тартыңыз;
4. Маалыматтардын тууралыгын текшериңиз;
5. Паспортуңуз менен жүзүңүздү (селфи) сүрөткө тартыңыз;
6. Абоненттик келишим менен таанышыңыз;
7. Жашыруун сөздү ойлоп таап, кол коюңуз;
8. Арызыңызды карап чыгууга тапшырыңыз.
Бул кадамдарды аткаргандан кийин сиз номур ийгиликтүү катталгандыгы жана байланыш кызматтарынан пайдалана ала тургандыгыңыз тууралуу билдирүү аласыз. Ал эми Beeline’дан бонус катары сиз тарифке ылайык кийинки абоненттик төлөмгө 50 сом аласыз.
Номуруңузду уюлдук оператордун кеңселеринде жана соода түйүндөрүндө да каттасаңыз болот. Бул үчүн сизге паспорт керек болот.
Номурду ээсинин наамына каттоо милдеттүү шарт болуп саналат. Ал Кыргызстандын бардык уюлдук операторлорунун абоненттерине тиешелүү. Атап айтканда, бул жеке маалыматтарды алдамчылардан коргоону камсыз кылуу үчүн зарыл, анткени электрондук капчыктарды, социалдык тармактагы аккаунттарды жана башка маанилүү онлайн кызматтарды телефон номуруна байланган болушу мүмкүн.
Номур сиздин атыңызга катталган болсо, аны башкаруу сизге жеңил болот. Ал эми SIM картаңызды же телефонуңузду жоготуп алсаңыз, номуруңузду оңой жана тез калыбына келтире аласыз.
Beeline жаңы мүмкүнчүлүктөрдү ачат!
